今朝唔想起身，奶奶打黎叫我地過去食午餐，食飽休息左陣，
就去買埋 d 旅行需要既野，返屋企執齊野，餵晒我地 d 小動物，就沖個涼準備出發喇！
因為今晚夜機去，坐四個多小時飛機，去到關島就大約六點幾，好興奮呀！！！

不過最麻煩係，而家好凍，著好多衫，去到個度就好熱，要即刻除晒 d 衫！
好緊張呀！又好興奮呀！我地準備好喇！關島，我地黎喇！

 準備好！走喇！嘿嘿嘿‥‥‥

 旅程正式出發喇！

去到機場第一時間食野先！好肚餓！

 係機場食野頗貴！

唔知做咩事，食完蝦，Chris 仲敏感出粒粒，好核突！一齊左咁耐我真係第一次見！
 出到成面都係敏感粒粒，不過好彩半個鐘就退晒！

 我地上機喇！去到關島再見喇！嘿嘿嘿‥‥‥

由於超級夜機，所以係無正式飛機餐食，只有小食，不過都幾好食！食飽本來打算好好訓下！
 生果+奇華餅+芝士火腿包+飲品

點知架機好細好窄，感覺好迫，坐得好辛苦，連一個好似我咁鍾意訓覺，
隨時隨地都訓得著既人，都訓得唔好，可想而知幾嚴重！
Chris 更成晚係度打機無訓過‥‥‥希望聽日我地夠精神玩啦！好興奮呀！

為 Big day 整既指甲我一直都無卸甲，淨係生長左就磨短佢，
為左想靚靚去關島同靚靚咁影婚紗相，決定再去整指甲喇！

岩岩好兩個月前整過！已經生左好多出黎，今次打算整返一樣款，不過整過第二個色，
不過最後唔太滿意‥‥‥唔係整得唔好，而係唔太鍾意呢個色，
就咁睇本來都無咩野，只係我覺得太紅姐‥‥‥個姐姐仔話新年紅色好喎！
我話唔太鍾意，佢話我睇唔慣姐！唉‥‥‥都係上次個個好人 d，有心機 d！

感覺太成熟‥‥‥雖然而家新年姐，都唔洗同我整到咁紅呀‥‥‥
好想快 d 生長磨鬼左佢喇！好唔開心呀‥‥‥唔想咁樣去影婚紗相呀‥‥‥

今日忙於執行李呀！好忙呀好忙呀！唔到最後一刻都唔執，哈哈‥‥‥
 去五日三夜姐，好似好多野呢？哈！
其實係 d 婚紗禮服、高跟鞋、首飾霸晒 d 位咋！同埋預左會多 d 野返嘛！哈！

聽日就出發喇！而家真係未出發，先興奮呀！哈哈哈哈哈‥‥‥

Big day 個日真係收到好多好多結婚禮物，一直放左係度，
有 d 連拆都未拆黎睇，今日執下屋，放好左小部份結婚禮物喇！同大家分享下！

 
ESD 朋友 Cathy 送的，好靚呀！多謝佢咁有心呀！知道我鍾意 PM 公仔！嘻！
我已經放好係書櫃做裝飾喇！第時屋企要買個大玻璃櫃放晒我 d 擺設先得呀！

 
都係 ESD 朋友送的，這是小 wing 送的，多謝晒呀！好有心思呀！
個筷子座是鴛鴦來的！我很喜歡呢！還有他們婚宴回禮禮物，好靚呀！多謝你！
仲有多謝佢同佢老公個晚咁有心黎同我影相呀！

 
Chris 表姐送的，很可愛的一對水晶小熊，有領帶和花球的！
而且寫實地女的那隻很嬌小！好似我咁呀！哈哈哈‥‥‥

 ESD 朋友 Yamme送的，
係一本由佢親手做俾我既相簿，好靚，唔講仲以為出面舖頭做既添呀！
仲有一盒 Hello Kitty 糖連相架，好鍾意呀！多謝佢呀！

 
ESD 朋友Crystal 送的，很合用，剛巧可以帶去關島用！多謝晒！
好可惜個晚佢黎到個陣我入左新娘房換婚紗，想叫佢等我換完同佢影張相，
可惜佢趕時間等唔切，太可惜喇！緣慳一面添！

 
呢份係奶奶的好朋友送給我們的結婚禮物！會發光和變色的，很有趣！
不知道中間的公仔是真金或是渡金嗎？哈哈哈‥‥‥

暫時執住咁多先！下次再執再同大家分享下，等大家下次去朋友婚禮時，
多個念頭送咩結婚禮物俾自己既朋友啦！哈哈‥‥‥再一次多謝各位的心思和禮物！謝謝！