今日係關島之旅既最後一日,今日行程比較輕鬆,
所以係咁多日最遲一日起身!真係好好訓呀張床!

 日日都食呢d,食到悶...

食飽飽返上酒店房執下行李先,一陣去做spa,
做完返上黎就要check out喇!

 枝花仲好靚,不過好可惜帶唔到佢走喇...嗚...

我地訂左十一點做spa,未夠鐘,
所以我地決定係露台一齊再欣賞下個無敵大海景先!真係好靚!
  
 

   
好興奮呀!我地去做spa喇!

我地揀左一隻比較柔和,能夠放鬆身體,
最適合疲倦既身體既全身按摩,因為我怕個d俾人拍頸個d,
我地揀左今期做緊既優惠「情人節套餐雙人spa」,
套餐係包雙人一小時按摩,半小時間面和頭部按摩,
半小時雙人浸浴和半小時淋浴時間,最後我地都好滿意!
兩位泰國按摩師手勢唔錯!

沖乾淨涼,我地係間房度勁影勁影,哈哈哈....
呢度真係好靚呀!氣氛感覺好放鬆,未做已經覺得舒服!哈!

個浴缸見到已經覺得好靚,浸左個牛奶浴,
入面仲有切片檸檬同橙,仲有d花,好靚好香!
浸浴時,按摩師拎左d熱薑茶俾我地,一面浸住香噴噴既牛奶浴,
一面飲住薑茶,好舒服呀!好放鬆呀!

兩個幾鐘就無左二千幾蚊,都有d肉痛,
不過一世人一次蜜月旅行,算啦!有蠟燭送返俾我地做紀念品!

 係間房影埋最後一張合照之後就要走喇!
好唔捨得呀...

 
放低d行李係酒店,我地就出去食飯先!

唔想去太遠,過左對面酒店食意大利菜,
同我地第一日黎到食墨魚麵個間係一樣既,不過今次食薄餅!
 好大個

係關島,真係隨意係邊度望出去都會有好靚既風景,
到處都看到蘆天白雲同靚海,真係好鍾意呢度!

食飯時諗下諗下,發覺我地今日好白痴,
行程安排上完全錯晒...最完美既安排應該朝早食完早餐,
就先去沙灘浸下水玩下先,之後上房沖身再離開,
先去做spa,咁做完就岩岩好去大堂等接我地去機場...

而家唯有食飽飯,去沙灘散下步影下相,望住個靚海,
有得睇無得浸啦...嗚...好可惜呀....兩個死蠢!

關島真係隨處都可以見到特色既教堂,
差唔多每間酒店都有自己一間專屬教堂,呢間係我地住既酒店既,
 
 呢間我地幫襯個間野都有得揀,係最平!

所以間教堂都係無咁靚,但呢邊個沙灘就會靚d,有得必有失啦!
我覺得教堂重要d,但沙灘好多地方都有!
見到d水咁清,真係好有衝動想跳落去呀...
愈諗愈覺得好蠢,居然安排先去做spa再行沙灘....
 
   
   
   
  

無啦啦玩行行下,無咩好做,唔知做咩話興起不如係沙灘跳下,
哈哈...兩個白痴仔...不過好好玩!
 

我地行行下,識左個鬼佬,都幾好傾,好羨慕佢退休可以係度生活,
真寫意!我都好希望退休後可以有咁既生活!

 好近海邊既獨立屋呀...嘩....

行完沙灘,時間仲早,無咩野做,就係酒店個花園度坐下吹下風喇,
好舒服呀!Chris 坐到差d訓著...
 

坐到咁上下就返大堂坐下飲下野,酒店大堂係有飲品任飲架,
幾好呀!無野做我地唯有係度打下機喇!

等到五點半,就有車黎接我地去機場喇!
去到機場好肚餓,見有d時間就食d野先,去左我鍾意既Buger King!
 呢度食係平過平時我地食架!

之後入閘過關喇,過程都好順利,行李亦無超重,太好喇!
關島時間七點八就起飛返黎喇!
 
同上次黎架機一樣,咁細架,好迫呀!

不過今次就有飛機餐食,超級迷你既飛機餐!
我個個就幾好味,老公個個就好難食...
 

今次食飽飽我就訓左喇...可能因為今日做完spa,
所以個人特別易眼訓掛...哈...

接近五小時既航程,就到達喇!已經好掛住關島喇....
好掛住好慢既生活節奏,好暖既天氣同藍天白雲呀!
 一落機已經感到一陣寒意呀...凍死人喇....

好眼訓....等車返屋企時...已經係十一點幾喇....
聽朝仲要早起身呀.....要記得執齊野...
 
是次旅程完滿結束,期待下一次旅程!嘻!

返到屋企沖個涼已經係零晨一點廿幾分喇...
聽朝六點幾要起身去做 Yoko 既陪嫁姊妹喇!早抖喇...

今日係情人節,先祝大家情人節快樂,
未有另一半既早人遇到好伴侶,已經有另一半既就一直甜甜蜜蜜!

今朝起身,見個天已經有d灰灰地,
之後仲落起大雨,超級唔開心呀...點解咁黑仔既!
 

日日都咁好天,今日影婚紗相先黎落大雨,
唔通連個天都唔鍾意我...嗚嗚...............

無計可施之下,唯有係酒店房跳求晴舞!哈哈..
Chris 就太無聊,發明左係床玩跳降落傘,兩個白痴仔!

過左一陣,我相信係我跳既求晴舞有效,開始細雨左喇!
 快d停雨啦唔該!!!我要同陽光玩遊戲呀!

十二點我地就落大堂等人黎接我地,個陣已經係微微雨!
去到個度見到間教堂,真係同睇相一樣咁靚架!
  個地仲濕呀...

去到先有個當地既女仔,今日佢係我地既助手,
負責幫我換衫同跟去影相既,帶我地去一間房坐低先,
個度既辦公室靚過香港好多既婚紗公司好多!
試身衫都成間房咁大,仲有三面鏡,好方便睇得好清楚!

重點係,香港既唔俾影相,呢度隨你影,都唔明香港個d點解唔俾影,
驚死你影左d野會唔知要害佢咁!

之後我就去化妝室化妝先喇!
係一個日本化妝師黎既,個嬸嬸好好人,仲幾好傾添,嘻...
 

Chris 係我化妝既呢段時間,佢實在太無聊喇!
佢走出去行下同影下周圍既風景!個陣時開始停雨喇!
不過個地下仲係濕濕地,好擔心佢地唔俾我地落沙灘影呀....

係呢個時候,我已經化完妝同換好婚紗喇!
個妝比平時個d清淡,日本化妝興自然,但髮型就反而興誇張...

唔知係我自己錯覺定係咩,我總係覺得佢化到有小小高低眉...
個頭好似整得太大...唔多慣...

原本預約左教堂的時間是兩點半,
由於上一對新人早了完結,所以我地可以早了開始!

攝影師是日本人,用有限既英文同我地溝通,
但好落力,又企高又訓地又扒地....
跟住我個個女助手真係超級好人,開始影相時,
佢問我洗唔洗佢用我部相機幫我地影返d相,
因為之前間公司講到明係教堂入面,
除左攝影師既相機係唔準自己相機影相,所以無拎出黎,
個女助手仲跑返去我地換衫間房幫我地拎過黎幫我地影,
雖然只係係隔離偷拍,我部相機亦唔夠光,
不過之後睇返都好開心,估唔到佢影左咁多,
淨係佢幫我地都影左164張,當中有d仲係影得唔錯添!

最最重要係,我今日已經可以睇得返d相,唔洗等三至六星期先有得睇嘛!嘻...
不過我唔係太習慣佢地既攝影手法,所以好似笑得唔係好自然咁添...
佢地唔會好似香港既婚紗公司咁,幫你遮手臂,要企到靚靚,
教你望住某一點,放到佢地覺得完美先影,而係會比較自然,會引導你去做d野,
由得你自由發揮,相信效果出黎會自然d!
我地今日仲扮左行禮咁影相呀!哈哈哈...
總算滿足了我這個未領洗和某個原因未能在教堂行禮的慕道者吧!

今日感覺好特別,教堂好靚,聽住浪漫既音樂,
得兩個人咁行禮,感覺好浪漫,同之前婚禮好唔同,
之前就好多親戚朋友見證住,又會擔心宣誓時讀左字,
比較緊張,係好開心,但無時間感動,哈...

 只屬於我倆的一個私人婚禮,很浪漫,很感動...
 
  
 
係關島行教堂結婚有一個儀式係同平日好唔同,
就係一對新人會一齊點蠟燭,代表新的生活開始的意思。

比我地預期中快好多,唔洗四點就攪掂晒,助手交帶埋今晚送個餐晚餐我地就走喇!
本來送Hyatt的自助餐,但由於今日餐廳情人節休息,
所以改左送另一間五星級酒店Hilton的自助餐俾我地,
為左保償轉左地方,本來唔包接送,而家包埋,
仲係我地本身跟開個導遊,改左仲好啦!哈哈....

因為佢地今日服務真係太好喇!所以我地每人都有俾小費俾佢地,
小小心意,答謝佢地今日既服務。
工作人員把我們車回酒店,好開心今日好順利,
化妝時就停雨,之後更有陽光,步出教堂時地下已乾透。
而且因為落過雨,天氣無咁熱,涼涼地,
影戶外都唔會覺得唔熱唔辛苦,玩得好開心!

 
返到黎個天已經靚返晒,同出門口先差好遠,
我地酒店房其實係望到我地頭先間教堂架!哈!

我地今日未食晏晝呀,超肚餓,唔落妝住,
拆左個頭飾就出發去食野同行街先,今日打算去買手信!
 
個頭飾放低d其實好似仲好睇仲自然,蠢左!
個頭幾襯我帶太陽眼鏡呀!哈哈...

先落酒店樓下個間SPA問下價錢,
今晚好好考慮下再訂聽日去享受一下啦!人生總要豪一次!
  咁岩有個情人節套餐,價錢都可以接受!

出返去搵野食,行左好耐都唔知食咩好,呢邊物價指數好高,
食餐晏閒閒地都幾百蚊..想搵個地方平食都難!
最後決定去食麥記!咁樣食一食,都成百蚊!死未!
不過佢有d我地個邊無既野食賣,一試無妨!
 

食飽飽就坐巴士去大型超級市場喇!
個度真係咩都有得賣架!我地決定去個度買手信!
 

d野真係幾貴,好多野想買都買唔落手,
最後我地都係買d野食返黎請大家食啦!

之後再坐返巴士返酒店,呢度連巴士都貴d,
us$2一個人,只係坐1分鐘車程...早知咁近行路返去算!哈!

又到左關島每日最美既時刻----黃昏喇!所以去酒店露台影下相先!
原來隔離酒店間教堂咁近呢個露台,
呢間教堂我地幫襯個間公司都有得揀,都幾靚架,
台劇惡作劇之吻二都係呢個教堂拍架!
  

返上酒店,仲有d時間未夠鐘食晚飯,自己重新整過個頭,
都整得唔錯呀!起碼無咁誇張去食飯嘛!哈!
 
唔係錯覺呢...我真係化到高低眉呢...希望影相出黎唔會太覺眼啦....

係大堂等導遊,原來同我地一齊出發黎既個日,
仲有兩對新人都係今日結婚,一齊去個度食飯!

大家坐車時係度交換下今日既情況同喜悅,佢
地早我地兩節,大家都好好彩影相時停左雨!太好喇!

今日係情人節,酒店除左多旅客,仲有好多好多本地人呀!
現場有樂隊不停在唱情歌,氣氛好好!
 

食到最尾,Chris 話去拎甜品生果既時間,
見佢空手而回,以為佢無野岩食,估唔到....

佢突然係身後拎出一枝玫瑰花送俾我!好感動呀!
多謝你呀老公!嘻...估唔到真係會收到情人節禮物喎!
 好鍾意呀!好驚喜呀!

今日過得好開心呀!多謝老公,俾左一個咁浪漫、咁難忘既情人節俾我!
永遠我都會記得呢一個情人節!

返到酒店,係咁影相,今日影相又玩到傻左,
返去勁玩,影左好多好多好攪笑既相!
  
 

 
今日影婚紗相角色調轉,而家到我變左大姆指姑娘呢!
我地影左好耐先就岩位架!睇返笑死我地!

一連五日的蜜月旅行聽日就要完結喇!
我地都已經覺得好唔捨得關島喇...我地一定會再黎架!

好野!Chris 話,以後每年情人節都要帶我去旅行!好開心呀!
下年情人節,去邊度玩好呢...嘻嘻....

今日我地七點幾就起身喇!真係返工都無咁早!
無計,今日訂左去玩水上活動,導遊有車八點幾黎接我地!

 
一起身就去露台吸啖新鮮空氣同望下個靚海景先!嘻....

梳洗完就去酒店食早餐先,餐廳都不錯,三面窗都看到無敵大海景!
 

我地今日去左Alupang Beach Club玩,其實都幾貴,
我地揀左隻套餐係兩個人千幾蚊玩朝九晚五....
包海灘所有活動、睇海豚、香蕉船、浮潛同一餐午餐!
難得黎到,呢d錢我地又唔想慳,嘻....

導遊安排唔到我地睇早個場海豚,要睇中午個轉,
好擔心睇唔到呀,因為朝早係會睇到最多海豚架!

我地先去玩浮潛先!我地都係第一次玩,好興奮呀!
有教練帶住,我地先自己玩獨木舟去到浮台先,
之後著好救生衣帶好潛鏡就落水喇!唔知點解我突然覺得好驚!
因為太耐無游過水,又唔知d水有幾深..
見到d日本小朋友諗都唔洗諗就跳落水就浮下浮下,好!我都跳!

點知...一跳落水,因為腳掂唔到地,好驚....係咁大叫救命同死抓爛抓...
Chris 話我按左佢個頭落水,差d係佢掂到地既水位浸死...
第一次感到死亡既恐懼...有無咁誇張呀...
我即刻上返浮台休息下先!休息左陣再落水,今次睇到小小魚,
但個鏡突然入水,d海水入左鼻同眼,好咸好辛苦呀!
又要爬返上浮台...我諗我唔岩玩浮潛喇....
 全套裝備!哈...

老公怕我再拉住佢而浸死,即刻著返件救生衣,哈...
之後就好努力去潛落去影影影,影d靚相俾我睇!
 
 
 
 
 

玩左一個鐘浮潛就返返海灘喇!教練話如果兩三點玩就最好,
到時水退,會淺水d,而且最多魚..
但個陣我地去左睇海豚喇!太可惜喇!
本來導遊都問我地今日未必安排到最好,考唔考慮第二日先玩...
最衰星期四我地要去影婚紗相,星期五黃昏走,
唔夠時間,唔係就可以安排先睇海豚再玩浮潛,咁就完美喇!

未夠鐘去睇海豚,我地就係沙灘休息下同曬下太陽先,
原來就咁訓係度吹下海風好舒服架!
  
我地先食少少野就出發坐專車去海邊上遊艇準備出大海睇海豚喇!
關島係好多海豚聚居既地方,有九成機會會見到佢地出黎游水同玩花式,
希望我地好運d,唔會係個一成睇唔到既人啦....
 
突然天色麻麻地,好似想落雨咁...

個海真係超靚呀!d水好清,係船都見到海底,而且好特別,
去到唔同位置就會見到唔同色既海,有深藍色、淺藍色、藍綠色......
好得意!我地等左好耐,都見唔到海豚,好失望呀!不過就見到飛魚!

d魚好得意呀!會突然係海面飛出黎,有翼添架!
第一次見到興奮到尖叫左出黎!哈哈...

船行行下,仲有d微微雨添,我地已經打定輸數,
預左好大機會睇唔到海豚喇!好失望呀!話晒俾左好多錢嘛...

 
睇唔睇到呀?呢個就係唔同色既海呀!如果由高空望仲靚!好多層次!
去到海中心,我地就著救生衣玩香蕉船喇!開頭以為會好好玩,
可以衝浪,老公仲叫我仲叮囑我捉緊d,小心拋左落大海,點知....
用遊艇去拉住香蕉船,加埋仲要係孖蕉,無速度感可言...好似坐船咁...
 

玩完之後,遊艇就停定一個位置,俾大家玩下浮潛,釣下魚咁!
經過朝早嚇親,而家係海,水位更深,所以都係唔玩喇!
一陣一跳落去就大叫救命,要人救返上黎就樣衰喇!唉......

 不過真係蠢!d水咁清,個海咁靚,應該死都落去睇下!

見到Chris浮得咁好玩,我都好想落水試下呀...不過佢唔想我落...嗚嗚.....

玩完浮潛就到去船頭釣魚喇!我就唔識喇...
老公話佢識,我唔多信,哈哈...瞌眼訓個隻釣魚我知佢識!
 又有少少微微雨,我都係係船入面坐下喇!

差唔多時間就開船返上岸喇!沿途再出盡眼力去搵海豚既蹤影,
可惜...都係見唔到呀...嗚嗚....不過個海都好靚,海天一色...
吹住海風好舒服!很喜歡這樣的一個假期,感覺好寫意!
 
 

睇完海豚追蹤就坐車返去海灘喇!好肚餓,食野先,
那裡的查洛莫人同我傾計,送左一對草織的魚頸鍊給我!
  
好勁!兩三下手腳就攪掂!

返到海灘,我地玩下d水上單車先,都幾得意!
不過原來踩好多好多下先可以郁到小小,勁累!

之後我地就決定浸下水,因為個度既水真係太淺喇!
去到海中心個水位都仲係腰間,真係可以行路出浮台!

我拎左個靚靚水泡決定好寫意咁浮下浮下!
原來咁樣係好寫意好舒服同好好玩架!
有時我坐坐由老公推我,有時穿在水泡中間浮下浮下,
唔洗用力就可以漂下漂下,哈哈....

玩到下午四點幾我地就唔玩喇,到處影下相休息下,等五點車接我地返酒店!
 

黃昏景色好靚....又影到一d好似明信片咁靚既相....
坐係度等車時,有查洛莫人唱當地歌曲,氣氛好好!
 

返到酒店係大堂見到個黃昏景咁靚,又忍唔住出露台欣賞左一陣!真係好靚!
 

本來想去那個只有星期三晚才有的查洛莫夜市,
但睇返旅遊書先發現...原來查洛莫村...就係頭先個海灘隔離...
唔想咁遠又去返個頭,我地又無車,所以決定過隔離酒店食海邊夕陽燒烤!

哈哈...又食燒烤?係呀!燒烤係關島特色嘛,而且我地喜歡燒烤呢!
嘻....今日呢間酒店比昨天的價錢平一點,雖然都唔平,
但今晚個景靚好多添呀!真係露天,而且好近海邊,見到都已經好興奮好開心喇!
 
 

今晚這個較少海鮮,但就多了肉類,有幾個牛肉真係好好味!
而且有大蠔,那個大頭蝦就不及昨天的虎蝦了!

今晚同樣有表現看,今天的表現比昨天的更精彩,
更好氣氛!睇到我都想一齊跳埋一份呢!哈...
 

食飽飽我地更去酒店間哈根大師再食多杯雪糕,
不過呢度得杯無筒,有點可惜!
 唔知係咪天氣熱,好似溶得好快咁既...

食飽飽我地決定去散下步逛下街,嘩...
我看見好多關島特別版的蝦毛吉蒂呀!好想買呀!好得意!
不過都幾貴,但好難得見到,最後還是買了一條電話繩,
嘻...多謝老公!
  好多款架!

最後我揀左條曬黑左既蝦毛吉蒂係度玩緊水上電單車,
好型呀!我仲買左兩支特別指甲挫!好靚呀!

我地既蜜月旅行已經過左一半喇!呢兩日都過得好開心,
聽日就係最期待既一天,去行教堂喇!
心情好興奮呀!執齊d婚紗花球飾物,
敷個水份面膜就早d訓喇!要儲足精神嘛!

不過呢兩日勁曬,雖然搽左超級多防曬,但都多左好多雀斑呀...
好擔心聽日要用好多份,化會好厚粉呀...唉!

今日玩左全日水上活動,坐左幾個鐘頭船,
又係海漂浮左幾個鐘,我地返到酒店係度「暈地浪」呀!

不過又唔係太辛苦,反而感覺好得意,
可以再一次回味今日好寫意既一日!哈哈......